Addi sá hinsvegar um að vakta kojuna neðan frá, því hann taldi sig nokkuð vissan um að einhver mundi stela bakpokunum okkar.

Við sofnuðum samt bæði að lokum við dýrðlegan “Chai! Chai! Chai!” og “Bani! Bani! Bani!” söng sölumannanna sem strunsuðu fram og aftur gangana af miklum metnaði.

Við vorum með klefafélagana Julian frá “Túlús” í Frakklandi og Rubens frá Goa. Heiðursmenn!

Þess má geta til gamans að lokum að þegar maður fer á klósettið í lestinni þá pissar og kúkar maður beint niður á lestarteinana. Indian style!