Við vissum ekki hverju við gátum búist við hvað varðar mat þegar við kæmum til Indlands. Það er mikið búið að vara okkur við óhreinum mat, matarteitrunum og ferðamannaveiki en okkur til mikillar létti er matur bara verulega góður og enn sem komið er, höfum við verið MJÖG HEPPIN með það að það hefur enginn niðurgangur eða slíkt mætt okkur enn. (7,9,13)
Hér eru nokkrar myndir frá mismunandi veitingastöðum.
Hámað í sig á veitingastað með loftræstingu – Vegitarian masala
Fallega raðaðar servíettur á þessum stað
MUKHWAS – Maður fær þetta með reikningnum – Á að hjálp meltingunni og bæta andremmu
Við urðum glöð þegar við fundum “venjulegan mat” (McDonald’s)
Erfiðast er alltaf að reyna að komast að því hvað alltsaman er sem stendur á matseðlinum. Ef maður spyr þjóna, td. “what is this?” og bendir á eitthvað sem heitir kannski “Veg. Chowmen” á matseðlinum, þá skilja þeir oftast ekki og svara í staðinn “One Chowmen, sir?” – svo vindur misskilningurinn upp á sig 
Indland er líklega draumaland grænmetisætunnar því stór hluti þjóðarinnar borðar ekki kjöt vegna trúar sinnar. Það er því rosalega mikið og gott úrval af mismunandi grænmetismat á boðstólnum.
Oftast þegar maður biður um reikninginn fær maður líka svona lítil lakkrísfræ í skál með tangstönglum. Þeir segja að þessi fræ hjálpi meltingunni.
Svo fundum við mcDonalds, sem var gaman…
Og við fundum líka Barista/Lavazza kaffihús, sem hetir “Escape to Italy” eða eitthvað álíka – það var í fyrsta skipti sem hægt var að fá almennilegan kaffibolla og líklega líka í síðasta skiptið í langan tíma og þá varð kaffifíkillinn í Adda glaður…
Gott að þið eruð hress.
En eftir stendur ein spurning, hvað er veg.chowmen?
Það er reyndar kínverskur matur.. núðlur með einhverri sósu
Djö.. ég öfunda ykkur svo mikið meira að segja af skítugu hótelveggjunum og sturtunni yfir klósettinu (var með svoleiðis fyrstu tvö árin sem ég bjó í rvk.. no joke) ..og kaffileysi og áhættan á niðurgangi við hvern munnbita.. all sounds sooo nice..
geðveikt gaman að skoða myndirnar af ykkur.. eins og maður sé ‘memm’..
Girnó maturinn! Þið eruð svo dugleg og yndisleg. Njótið ykkar
Tvö ókeypis húsráð. Annað fyrirbyggjandi, hitt uppbyggjandi.
Valdi vinur minn átti tvær ömmur, eina danska og hina íslenska. Í hans fyrstu utanlandsferð gáfu þeir báðar góð ráð gegn magakveisum. Sú íslenska mælti með að taka Lýsi, en sú danska hafði óbilandi trú á Gammel Dansk. Við tókum bæði og varð ekki misdægurt.
Ef allt fer á versta veg get ég hins vegar mælt með hinni svokölluðu “vont vont gott gott” aðferð. Hún fellst í því að sturta í sig eins og einu mjólkurglasi af þeim görótta drykki Fernet Branca. Óbrigðult.
úú grænmetishimnaríki !
…vona að Adda sé að batna, annars sendi ég Addabangsa bara með hraðpósti, húsráð Gunna gæti nú reddað þessu.
Vona að flugurnar fari að láta þig vera Helga mín
Hlakka til að heyra í ykkur þegar þið farið að hressast !!
knús frá mér
Gott að þið komust heil á leiðarenda og gaman að skoða myndirnar. Veriði nú dugleg að borða grænmeti og McDonalds. Hvernig er veðrið annars?
Gaman að fylgjast með ykkur, þvílíkt ævintýri. Minnum á snafsaráðið eftir matinn ; ) Vonandi batnar maginn fljótt og bitin. Knús á ykkur
Takk fyrir öll sömul
Það getur reyndar verið að ég hafi fengið kamfíló/salmónellu, en ég var með sýklalyf frá lækninum ef slíkt skildi gerast – fékk 39 stiga hita, niðurgang og uppköst – ekta Indverkst
nammi namm!!!
Hæ Addi og Helga, Guðrún vildi senda kveðju og er mjög hrifin af myndunum af ykkur! Hún vildi samt helst sjá mynd af sér með! Hún var smá rugluð í tengingunum og bað um að sjá mynd af Helgu systur hans Adda bróður!
kveðja af Bakkaveginum
Gaman að heyra! Við sendum líka knús yfir til Guðrúnar!
Indland greinilega þá landið fyrir vistvæna grænmetisboltann í Netvistun
Algjörlega… vistvæni grænmetisboltanum finnst lífið svo náttúrulegt og æðislegt þegar maður labbar í mannaskít svona út á götu